එක්සත් ජාතික පක්ෂයේ මහලේකම් තිස්ස අත්තනායක මහතා විසින් යොමුකළ අභියෝගය බාර ගැනීමට තමන් සූදානම් බව එක්සත් ජනතා නිදහස් සන්ධානයේ මහලේකම් අමාත්ය මෛත්රීපාල සිරිසේන මහතා පවසයි.
අද (07) පෙරවරුවේ කොළඹ දී පැවති මාධ්ය හමුවකට සහභාගීවෙමින් අමාත්යවරයා මේ බව පැවසීය.
1994 වර්ෂයේ එක්සත් ජාතික පක්ෂයේ මැතිවරණ අපේක්ෂකයා වූ ගාමිණි දිසානායක මහතාගේ ජයග්රහණය උදෙසා පක්ෂ නායක රනිල් වික්රමසිංහ මහතා සහය නොදුන් බව මෛත්රීපාල සිරිසේන මහතා මීට පෙර අවස්ථාවක දී පවසා තිබිණි.
හැකිනම් ඒ බව සනාථ කරන ලෙස එ.ජා.ප. මහලේකම් තිස්ස අත්තනායක මහතා අභියෝග කළේ ඉන් අනතුරුවය.
කෙසේ වෙතත් ඊට අදාළ ලිඛිත සාක්ෂි ද තමන් සතු වන බව පැවසූ අමාත්යවරයා සඳහන් කළේ එවකට පොලීසියේ සේවය කළ නිලධාරීන්ගේ සටහන්වල තොරතුරු ද තමන් සතු වන බවය.
මෙම අභියෝගය තමන් බාරගන්නා බවත් ඒ තුළින් එක්සත් ජාතික පක්ෂයට සිදුවන බරපතල හානිය සම්බන්ධයෙන් තමන් කිසිදු වගකීමක් බාර නොගන්නා බවත් හෙතෙම වැඩිදුරටත් සඳහන් කළේය.
මම අභියෝගය බාර ගන්නවා-මෛත්රීපාල කියයි
2012-08-07T10:52:00-07:00
Gossip9 Admin
